ياالخاتم

لله ما تلومنيش يا الخاتم ما جات مني لا منها هي

حنا فــراقنا كـــان محتم مكتــوب عليــــها و عليا

يا الخــاتم مانيـــش فاهم ويلا فهمــتـــني مادا بيا

تقولّي نبكــي و لا نتبسم و لا نضحــك مــن عينيا

وش ندير قوللي يالخـاتم مـــــــاذا بيــا تدبّــر عليا

أسمع مليح من بعد أحكم راني جايك غير بالشوية

كنت كيما العـــادة هــايم و لما دخلت للدّار لعشية

لقيت بريـــا قريت الاسم حسّيـت الدنيــا دارت بيا

...بسم الله نرفـــــع القلم والصلاة على خيرالأنبيا

صلّـى الله عليـــه و سلم قلــت بالاك مــاشي هي

ما كــــانتش هكـذا تتكلم راك تعـرفها زهـــوانية

ياك ما تحبش حتى تتعلم نجي نعلمها تضحك عليا

لتم هبّطــت عيني تم تم سبحـان الله أسمـــها هي

يا الخاتم كتبتلي كــــلايم هلكــوني وكمــــلوا عليا

قاتلت ربي سبحانو يعـلم كامل الشي الي صرا بيا

ملي خطيتك و أنا نتــألم و مانشفوش دموع عينيا

تفارقنا في جال الدراهم اعلى جـــال خماج الدنيا

خاطر قليل او منعــــادم و حتى والديــــك زوالية

تبّعت النـــاس وسمعتلهم او من بينهم حتى والـديا

نشالله ربي يســـــامحلهم هوما كــانوا يدبروا عليا

وأنت عييــــت فيّـا تفهّـم حتى حاجة مـا نفعت فيا

قلت لي بلي الدراهـم هَم شوفي النـاس ألي أغنيا

كامل ربي واش عطاهم ماشي مهنيين فهاذ الدنيا

ديما بعاد على بعضاهم و أنا عــــايش مع والديا

اللي كاين نقسمو معاهم و لما نطوّل يتقلقـوا عليا

فرح و قرح ديما معاهم وهكذا رايحة تكوني نتيا

لمّـــا كنـــت هكـذا تتكلم نقول راه غير يصبر فيا

هاذ الإنسان راهــو يحلم و أنا إنـــســـــانة واقعية

و فـــذوك ليّــام ليا تقدم واحد خطبـني من والديا

وليد ناس لا بــاس بيـهم طمّعوني فرّشولي زربية

كانوا يحكولي على وليدهم وش كـــاسب فهاذ الدنيا

قعدت شحال وأنا نخمــم و أنت ماكنتش فـايق بيا

لتم بديت نقارنك بيــــهم لقيتـــك بزاف بعيد عليا

أما وليـدهم كان كل دايم يجي للدار يجيبلي هدية

وش مذهب وش مدراهم تقدر تقول عمـالي عينيا

ودركا نضن راك فـاهم علاش ما قبلوكش والديا

لتمّــا شفـــت بلّــي لازم نشوف الّي يخرج عليا

قررت باش نخّبي الخاتم او نحّيتو من يــــــــدّيا

و تفـــــارقـــنا أو ملتــم بقات صورتك بين عينيا

و نسمع غير فزوج كلايم لمّــــا قلت لي أنا و نتـيا

صرالنا كيما حواء و آدم لمّا بليس ما قدرش عليا

قـــــالك لازم انفـــــرّقهم امالا دار ليــــــــك نتيا

وعمالك عيفعل بالدراهم وشهدت معاه حتى الحية

الناس الّـــي الله يهــديهم أثروا فيــك و ماشي فيا

خرجت كيما كنـت تخمم بصّح أنـــا بــــالنسبة ليا

قلت حققت ما راني نحلم فـارس أحلامي طل عليا

تزوجت بيـــه او ملتــــم بدات تتبـــدل العقـــــلية

وكل ما كنت معاك نتعلم عشتو او شفتو بأم عينيا

لله ما تلومنيش يا الخـاتم ما جات مني لا منها هي

حنا فراقنا كـــــان محتّم مكتوب عليها وعـــــليا

والمرة الجاية نكمللــــكم وش كانت رافـــدة لبريا

اومازالت قــصة الخـاتم طويلة حتى للساعة هاذيا

هاذي دقول نتاع شيخ الهامل .................شكرا اخ الكريم

شكرا جزيلا
من أروع ما كتب بالعامية

ياالخاتم

ياالخاتم

رد: ياالخاتم

رد: ياالخاتم