الرئيسية
البوابةدار الشقاء
2 مشترك
قم بتسجيل الدخول للرد
kadar431
عدد الرسائل : 47
العمر : 33
العمل/الترفيه : الثقافة
تاريخ التسجيل : 05/05/2010
دار الشقاء
الثلاثاء 11 مايو 2010, 15:07
حجم الخط: 
دار الشقـــــــــا
نكتبلك هاذ الورقة ونبعثهالك في بريا
وما نعرف شحال تبقى باش تلحقلك ليك نتيا
وما نعرف لاهي لاحقة ولا تعاود توّلي ليا
ولا غير تبقى مطبقة في قجاراتك منسيا
وتخليني هكذا نبقى طول حياتي تجري فيا
مكتوبي الهم و الشقى او لعذاب او لميزيريا
فجاه ربي كوني صادقة غير مرة وشوفي فيا
ماني طالب شفقة ولا طالب توّلي ليا
ماني طالب منك رقة يا لوكان نبوس عينيا
راني طالب غير دقيقة تفتحيها و تردّي عليا
ماهيش لحن وموسيقى وما راهيش سنفونيا
ماهيش رواية مشوقة وما راهيش مسرحيا
ولا هي لوحة مزوقة ولا قصة رومنسيا
هاذي القصة حقيقة صراتلي ليا معاك نتيا
كتبتها من بعد الفرقة نهار نتيا لعبتي بيا
نكتب و نبكي بالشهقة حتى نشفوا دموع عينيا
وحلفت ما نزيد نتلاقى معاك يالدنيا يا دونيا
يا الي من برّا مزوقة شابة وتحفة فنيا
وعيونك سما زرقة وشعرك صحرة ذهبيا
ودموعك بحور غامقة وخدودك وردة مسكيا
بصح ملداخل فاسقة فاسدة ومافيكش النيا
يا الدنيا يا المنافقة جاوبيني وردي عليا
ياك فالحق كنت خالقة لكل الناس سواسيا
وعلاش عشّيتي مفرقة امرفهين وزواليا
وعلاش حللتي السرقة وتزيدي للبحر الميا
هذا فعيشة مرموقة الي يشوفها يقولك ليا
ما يتعب أو ما يشقى وعايش عيشة ملكيا
وين يرمي يدّو يلقى وين يروح عندو ملكيا
ورقة تطبع في ورقة وكي يحب اينقص شويا
يروح يخرجهم رشقة اسمع ارجى هاذي هديا
وناس ملهيكا مخنوقة ناس فقراء زاواليا
طول الشهرهي تشقى باش تجيب ربع شهريا
هاذا الي زهرتلو لقى خدمة فالساعة هاذيا
والاّ راه رايح يبقى عايش بقدرة الاهيا
ناس حرمتيهم شقة حتى سكنة اجتماعيا
تطلبيلهم آلف ورقة او فالآخر تبقى امنيا
تخلاص عليهم بالسرقة يبنوا برّاكة فوضويا
وهكذاك ومازال الشقى يجوا يريبوها البلديا
و يهدمولهم واش بقى من ديك السترة العائليا
يعشّوا ساكنين فالزنقة نسا وشيوخا أو ذريا
مشتاقين حتى المرقة وما نهدروش على الادويا
وبيناتهم طفلة عاتقة صغيرة جايا للدنيا
دنيا الهم ودنيا الشقى دنيا التعب والميزيريا
مزيا برك دنيا سابقة أو ما كيش اللخرانيا
ومزّال حياة الملتقى دار الفقارا و الزواليا
يا الدنيا يا المنافقة انا بعثتلك هاذ لبريا
باش نقول راكي طالقة بالثلاث أو بالميّا
دار الشقـــــــــا
نكتبلك هاذ الورقة ونبعثهالك في بريا
وما نعرف شحال تبقى باش تلحقلك ليك نتيا
وما نعرف لاهي لاحقة ولا تعاود توّلي ليا
ولا غير تبقى مطبقة في قجاراتك منسيا
وتخليني هكذا نبقى طول حياتي تجري فيا
مكتوبي الهم و الشقى او لعذاب او لميزيريا
فجاه ربي كوني صادقة غير مرة وشوفي فيا
ماني طالب شفقة ولا طالب توّلي ليا
ماني طالب منك رقة يا لوكان نبوس عينيا
راني طالب غير دقيقة تفتحيها و تردّي عليا
ماهيش لحن وموسيقى وما راهيش سنفونيا
ماهيش رواية مشوقة وما راهيش مسرحيا
ولا هي لوحة مزوقة ولا قصة رومنسيا
هاذي القصة حقيقة صراتلي ليا معاك نتيا
كتبتها من بعد الفرقة نهار نتيا لعبتي بيا
نكتب و نبكي بالشهقة حتى نشفوا دموع عينيا
وحلفت ما نزيد نتلاقى معاك يالدنيا يا دونيا
يا الي من برّا مزوقة شابة وتحفة فنيا
وعيونك سما زرقة وشعرك صحرة ذهبيا
ودموعك بحور غامقة وخدودك وردة مسكيا
بصح ملداخل فاسقة فاسدة ومافيكش النيا
يا الدنيا يا المنافقة جاوبيني وردي عليا
ياك فالحق كنت خالقة لكل الناس سواسيا
وعلاش عشّيتي مفرقة امرفهين وزواليا
وعلاش حللتي السرقة وتزيدي للبحر الميا
هذا فعيشة مرموقة الي يشوفها يقولك ليا
ما يتعب أو ما يشقى وعايش عيشة ملكيا
وين يرمي يدّو يلقى وين يروح عندو ملكيا
ورقة تطبع في ورقة وكي يحب اينقص شويا
يروح يخرجهم رشقة اسمع ارجى هاذي هديا
وناس ملهيكا مخنوقة ناس فقراء زاواليا
طول الشهرهي تشقى باش تجيب ربع شهريا
هاذا الي زهرتلو لقى خدمة فالساعة هاذيا
والاّ راه رايح يبقى عايش بقدرة الاهيا
ناس حرمتيهم شقة حتى سكنة اجتماعيا
تطلبيلهم آلف ورقة او فالآخر تبقى امنيا
تخلاص عليهم بالسرقة يبنوا برّاكة فوضويا
وهكذاك ومازال الشقى يجوا يريبوها البلديا
و يهدمولهم واش بقى من ديك السترة العائليا
يعشّوا ساكنين فالزنقة نسا وشيوخا أو ذريا
مشتاقين حتى المرقة وما نهدروش على الادويا
وبيناتهم طفلة عاتقة صغيرة جايا للدنيا
دنيا الهم ودنيا الشقى دنيا التعب والميزيريا
مزيا برك دنيا سابقة أو ما كيش اللخرانيا
ومزّال حياة الملتقى دار الفقارا و الزواليا
يا الدنيا يا المنافقة انا بعثتلك هاذ لبريا
باش نقول راكي طالقة بالثلاث أو بالميّا
fati
عدد الرسائل : 728
العمر : 30
العمل/الترفيه : طالبة
تاريخ التسجيل : 18/08/2009
رد: دار الشقاء
الأربعاء 12 مايو 2010, 21:26
merciiiiiiiiiiii
صلاحيات هذا المنتدى:
لاتستطيع الرد على المواضيع في هذا المنتدى